Barcha sirlari bilan ? Qora shokolad va tuzli karamelli konfet

Qora shokolad va tuzli karamelli konfet
Bizga sifatli qora yoki sutli shokolad kerak bo'ladi, shokolad tanlaganda uni suyuqligiga e'tibor berish kerak, odatda shokolad qadog'ida tomchi sifatida ko'rsatilgan bo'ladi. Bizga 3 va undan yuqori tomchi bo'lgan shokolad to'g'ri keladi.
Shokoladni temperlaymiz va 31 gradus haroratda polikarbonat qolipga quyib korpus hosil qilamiz. Qolipni 1 soatga salqin xonaga (18-19 gradus) qoldiramiz. Shokolad qotguncha karamel va krustilant tayyorlab olamiz.
Tuzli karamel:
Shakar 180gr
Glukoza 40gr
Suv 60gr
Slivki 33-35% 180gr
Vanil pastasi 3gr
Sariyog' 70gr
Tuz 4gr
Shakar, glukoza va suvdan karamel tayyorlaymiz, o'rta olovda 175-180 gradusga chiqguncha va yoqimli jigarrang tusga kelguncha qaynatamiz va slivki bilan vanilni qaynoq holda 3-4 qismga bo'lib qo'shamiz va yaxshilab aralashtiramiz. Karamel tayyorlaganda uni kuydirib yubormaslikka ahamiyat bering, aks holda karameldan achchiq maza kelib qoladi va uni ishlatib bo'lmaydi.
Karamel kerakli quyuqlikda bo'lishi uchun uni 112 gradusgacha qaynatib keyin olovdan olamiz. Karamel qancha ko'p qaynasa undan shuncha ko'p suyuqliq chiqib ketadi va u quyuq bo'ladi. Misol uchun huddi shu reseptni 109 gradusgacha qaynatsak karamelimiz sezilarli darajada suyuqroq bo'ladi.
Karamelni olovdan olib unga sariyog' va tuz qo'shib blender yordamida yaxshilab ishlov beramiz va butunlay sovutamiz.
Krustilant:
Vafelniy kroshka (royaltin) 90gr
Maydalangan handon pista 60gr
Sutli shokolad (eritilgan) 150gr
Hamma masalliqlarni birlashtirib 1 sm qalinlikda tekislab sovutamiz va qolipimizga sig'adigan o'lchamda kesib olamiz. Man 19 x 2.5 sm qilib kesib oldim.
Konfet yig'ilishi:
Qotgan shokoladli ko'rpusimiz ichiga sovugan karamelni qolipni 3 dan 2 qismi to'lguncha siqib chiqamiz, ustiga kesilgan krustilantni joylaymiz. Shokolad chetini fen yordamida biroz yumshatib olamiz shunda yakuniy shokolad qoplami bilan birlashib oladi. Temperlangan shokoladni qoliga quyib tekislaymiz, ortiqchasini artib tashlaymiz va qolipni 12 soatga salqin xondada qoldiramiz. Agar hamma jarayon to'g'ri bajarilgan bo'lsa konfetlar qolipdan oson ko'chadi.
Videoda ishlatilgan barcha masalliq va instrumentlarni konditoria do'konidan harid qilishingiz mumkin, undan tashqari konditerlar uchun barcha kerakli narsalarni ushbu do'konlardan topishingiz mumkin.

Category : Pishiriq va shirinliklar retseptlari

#barcha#sirlari#bilan#?#qora#shokolad#va#tuzli#karamelli#konfet